उदय-कौसिला स्मृतिग्रन्थ (Uadya-Kausila Smriti Garanth)

पं. उदयराम उपाध्यायले आफूले शिक्षा प्राप्त गरेपछि अध्ययन, पुरेत्याई, तन्त्रमन्त्र वा जडीबुटीबाट उपचार गरेर जीवनीको उत्तरार्धमा पूर्णतः आध्यात्मिक चिन्तनमा लाग्नुभयो । आध्यात्मिक चिन्तनमा लागेपछि त्यसका आगाडि सबै प्रकारका समस्यालाई साना देखेर निरन्तर आफ्नो उद्देश्यमा लागिरहनुभयो । म उहाँको त्याग, समर्पण र लगावलाई कहिल्यै पनि बिर्सिने छैन । मेरा लागि उहाँ अनन्त प्रेरणाका स्रोत बन्नुभएको छ । ममा देखिएको आध्यात्मिक रुझान र दृष्टिकोण पनि बुबाकै आशीर्वाद र प्रेरणा हो । म यी सबैका लागि बुबाआमाको भौतिक शरीरबाट टाढा भए पनि बुबाआमा सधैँ मसँगै हुनुहुन्छ । मेरा अन्तश्चेतनामा हुनुहुन्छ ।