Arulin Hausa:Bitar Illa A Cikin Wasu Baitocin Waqoqi

Aruli wani fannin ilmi ne da ake amfani da shi domin nazarin waqa, musamman rubutacciya. Kamar kowane fanni na ilmi, shi ma aruli yana da qa’idoji da kalmomi na fannu waxanda suka kevanta da shi. Wannan takarda za ta yi qoqarin duba ne kan wasu baitoci na waqoqin Hausa da ake samun illa a cikinsu da kuma fito da bayanin nau’inta. Haka kuma za a waiwaiya game da ma’anar aruli da gava da qafafuwa da kuma karuruwan da aruli ya qunsa a taqaice. Sannan za a yi bayani dangane da yadda ake samun illa, ko sakiya kamar yadda waxansu masana suka kira ta. Duba da yadda take afkuwa a cikin waqa,ta hanyar kafa madoga da wasu daga cikin waqoqi. Kazalika, takardar za ta bibiyi nau’o’in illa da kuma nau’in naqasun da ke shiga a cikin kowace gava da ke cikin qafa.