Болалар тарбияси билан боғлиқ низоларни ҳал этишда давлат бошқарув органлари ва айрим ташкилотларнинг иштироки

Замонавий жамиятда оилавий низоларни ҳал қилиш билан боғлиқ муаммолар, айниқса вояга етмаган болалар ҳуқуқларига таъсир кўрсатадиган муаммолар катта аҳамиятга эга. Ҳозирги вақтда бола ҳуқуқларини ҳимоя қилишнинг суд шакли асосий ҳисобланади ва боланинг ҳар қандай бузилган (низоли) ҳуқуқи судда ҳимоя қилиниши мумкин. Диссертациянинг долзарблиги, шунингдек, фуқаролик процессуал нормалари ва оилавий қонунчилик ўртасида жиддий қарама-қаршиликларнинг мавжудлиги, болалар тўғрисидаги низоларни кўриб чиқишда суд амалиётида ягона ёндашувларнинг йўқлиги, ушбу тоифадаги ишлар бўйича суд қарорларини ижро этиш жараёнида юзага келадиган муаммолар билан белгиланади.