ОРОЛБЎЙИ ТУПРОҚЛАРИНИНГ ШЎРЛАНГАНЛИК ҲОЛАТИ (НУКУС ТУМАНИ МИСОЛИДА)

Мақолада Оролбўйи тупроқларининг шўрланганлик ҳолати бўйича Нукус тумани Нукус массивининг суғориладиган ўтлоқи-аллювиал тупроқларида тадқиқот олиб борилган. Бунда Нукус массиви бўйича контур нуқталари белгиланиб, сизот сувларигача кесмалар қазилиб уларнинг қатламлари бўйича тузларнинг тарқалиш қонунятлари ўрганилган. Шундай қилиб, тадқиқот натижалари бўйича ўрганилган ҳудуд суғориладиган ўтлоқиаллювиал тупроқлари ўзига хос геоморфологик, иқлим ва ўсимликлар қопламига эгалиги билан тавсифланади, шўрланиш даражаси ва таркибидаги гипс миқдори, карбонатлар ва бошқа мелиоратив кўрсаткичларига кўра сезиларли даражада шаклланганлиги аниқланган.