संस्कृतसाहित्यधारा

     विश्वे भारतं  पुनः विश्वगुरुस्थाने दृष्टुं इच्छामः चेत् तत्र भारतस्य संस्कृत्याः तथा संस्कृतभाषायाः योगदानम् अत्यन्तम् महत्वपुर्णमस्ति । अतः " भारतस्य प्रतिष्ठे व्दे संस्कृतं संस्कृतिश्च " इति उक्तिः योग्यमस्ति । कारणं यदि भारतस्य अतिपुरातनां संस्कृतिं ज्ञातुमिच्छामः चेत् तर्हि भारतीयभाषासु अतिपुरातनी भाषा संस्कृतभाषया एव शक्येत ।  भारतीयसंस्कृतेः, परम्परायाः, सम्प्रदायानां तथा सामन्यजीवनपद्धत्याः एवं ऋषि-महर्षिणां भव्यजीवनानुभुतेः अनुभवराशि: संस्कृतंसाहित्येन अवगम्यते ।

  "सम्" उपसर्गपूर्वकं , कॄ धातुना , क्त प्रत्ययेन निर्मितं नपुंसकलिङ्गपदं । सम्+कॄ+क्त= संस्कृतम्

   संस्कारितं , सम्यक् कृतं , परिमार्जितं , शुद्धं  इति ।

भाष्यते इति भाषा । भावनानां अभिव्यक्तेः माध्यमं एव भाषा । तर्हि संस्कारिता, सम्यक् कृता , परिमार्जिता , शुद्धा भाषा एव संस्कृतंभषा । संस्कतभाषां  देववाणी, भारती, सुरवाणी , गीर्वाणा , इत्यादि नामभिः जनाः अभिजानन्ति ।