TA'LIMDA KREATIVLIK VA UNI RIVOJLANTIRISH BOSQICHLARI

Zamonaviy maktab uchun o‘quvchilarning ijodiy tafakkurini rivojlantirish muammosi alohida ahamiyat kasb etadi. Bugungi kunda o‘quvchilarda kreativlikni tarbiyalash muhim vazifa sanaladi. Shu munosabat bilan faol, tashabbuskor, ijodiy fikrlaydigan,kreativ  insonlarni tarbiyalashda maktabning o‘rni ortib bormoqda. Jamiyatning barcha qatlamlarining ijodiy faolligi oshgan, zamonaviy davrda o‘quvchilarni o‘qitishda kreativ fikrlashni kuchaytirish muammosi ayniqsa dolzarbdir. Bu shaxsning jamiyatdagi kelajagi ko‘p jihatdan maktabda kreativlik qobiliyatlarining qanday shakllanishiga bog‘liq.