ХИВА ШОИРЛАРИ ИЖОДИГА ФЕРУЗ ДАВРИДА КИТОБАТ ҚИЛИНГАН ДЕВОНЛАРНИНГ ТАЪСИРИ

Хоразмнинг тарихи сингари санъати, мусиқаси тарихининг ҳам қадимийлигига шубҳа йўқ. Муҳаммад Раҳимхон Феруз даврида бир пайтлар Ниёзжон хўжа (Х1Х аср боши) тартибга солиб кетган Хоразм мақомлари яна-да тартиблашди, жамланди. Ўша давр тарихчилари ёзадилар: «Муҳаммад Раҳимхон соний, мусиқий илмина чўнг даражада ҳавасли бўлиб, мусиқий ишлари мунинг замонасида бутун-бутунича бошқа бир ҳол касб этадур. Бурундан халқ орасинда озроқ истанилган мусиқий ишлар ортиқмоч бир суръатда тарқаладур ва миллий нағмаларни вужудга чиқмағина имконият яраладур. Хусусий мутахассис мусиқашунослар дураб, (яралиб) шашмақом нағмаларининг мушкилот, тасниф қисмлари айрича аҳамият касб этиб, мушкилот била тасниф қисмларина тааллуқли шашмақом нағмалари бурунги ҳолидан ҳийлича ўзгариб, неча қўшимчалар қўшулиб, ямаладур.