NEFT MAHSULOTLARINI SOVITISHDA QURUQ VA NAM HAVODAN FOYDALANISH TAJRIBA NATIJALARI

   Mazkur maqolada benzin fraksiyasi bug‘larini havo yordamida sovitish qurilmasida quruq va nam havo oqimining qurilma samaradorligiga ta’sirini o‘rganishga doir tajriba natijalari keltirilgan. Quruq va nam havo yordamida sovitish benzin fraksiyasining hajmiy sarfi 3÷11 l/min intervalida amalga oshirilgan. Benzin fraksiyasini quruq havo yordamida sovitishda qurilmaga kirishdagi harorat 100 ºC, undan chiqishdagi harorat 48 ºC tashkil etadi. Keltirilgan sarf intervallari oralig‘ida nam havo yordamida sovitishda harorat mos ravishda 100 ºC dan 36 ºC gacha pastlashi kuzatildi. Natijada, nam havo yordamida sovitish qurilma samaradorligini o‘rtacha 25 % ga ortishi aniqlandi.