माहिती तंत्रज्ञानाच्या युगात शैक्षणिक ग्रंथालयाची बदलती भूमिका

 ग्रंथालयातील हस्तलिखित दुर्मिळ ग्रंथ, संदर्भ ग्रंथ, अमुद्रित साहित्य संग्रह यांचे जतन करणे अत्यंत महत्वाचा भाग झाला आहे. माहिती व संप्रेषण तंत्रज्ञानात आज माहितीचे उत्पादन मोठया प्रमाणात होत आहे. आज माहिती ही विविध स्वरूपात व माध्यमात उपलब्ध आहे. आजच्या आधुनिक युगात माहिती व तंत्रज्ञानाच्या विकासामुळे माहितीचा विकास फार मोठ्या प्रमाणात होत आहे. ग्रंथालयात असणार्‍या ज्ञान साहित्याचा सांभाळ करणे व ग्रंथ सुरक्षेला विशेष असे स्थान आहे.त्यामुळेच माहिती तंत्रज्ञानाच्या उपलब्धतेमूळे ग्रंथालयात होणारी जतन व सुरक्षेसाठी इलेक्ट्रॉनिक तंत्रज्ञानाचा वापर करता येतो. यामुळेच  21 वे शतक हे ज्ञान युग आहे. या ज्ञान युगामुळे  माहिती वर आधारित ज्ञान साहित्याला अधिक महत्व येत आहे.