ТАСАВВУРНИНГ ТАЪЛИМДАГИ ЎРНИ

Мақолада ўқув материалини яхшироқ ўзлаштириш учун талабаларнинг тасаввуридан қандай фойдаланиш кераклиги муҳокама қилинади. Кўпгина ўқитувчилар бу вазифани иккинчи даражали ёки жуда сермашаққат вазифа деб ҳисоблашади. Аудиториянинг ҳиссий реакциясини қўзғатиш учун ўқитувчи  янги мавзу ўтаётганда  ҳиссий кўтаринкиликка нима сабаб бўлиши мумкинлигини ўзи учун  аниқлаб олиши керак. Ёрқин тимсоллар ўрганилаётган мавзу ёдда қолишига кўмаклашади, ҳайратланиш туйғуси қизиқишни кучайтиради, қизиқиш эса ўз навбатида тадқиқот қилишга туртки беради.