СИРДАРЁ ВИЛОЯТИНИНГ ЎРТАЧА ШЎРЛАНГАН ШАРОИТИДАГИ ҒЎЗА ГЕНОТИПЛАРИНИНГ БАЪЗИ ҚИММАТЛИ-ХЎЖАЛИК КЎРСАТКИЧЛАРИ

Мақолада Сирдарё вилоятининг ўртача шўрланган шароитида етиштирилган ўрта толали (G. hirsutim L.) ғўза нав ва тизмаларининг қимматли-хўжалик  кўрсаткичлардан кўсак сони, ҳосил шоҳи, кўсакдаги пахта оғирлиги, ўсимлик маҳсулдорлиги, тола чиқими ва 1000 дона чигит вазни таҳлил натижалари келтирилган. Сирдарё вилояти тажриба майдонида G. hirsutum L. турига мансуб ғўзанинг қимматли-хўжалик белгилари бўйича Самара, Т-606, Т-1849, Т-2204, Т-2796, Т-1907, Т-578 ва Т-989 нав ва тизмаларига нисбатан Султон, Ан Баёвут-2, Бухоро-102, Т-1205 ва Т-2460 ғўза нав ва тизмалари ўртача шўрҳоқликка чидамли экандиги аниқланди. Тажриба натижаларига кўра, Султон, Ан Баёвут-2, Бухоро-102, Т-2460 ва Т-1205 ғўза нав ва тизмалари шўрҳоқлик селекциясида ижобий донор экан.