INSHO UMUMTALIM MAKTABLARIDA YOZMA NAZORAT TURI SIFATIDA

Ta’lim  sohasida ko‘p yildan ortiq vaqt mobaynida to‘plagan tajribalar dars mashg‘ulotlarini o‘tishda o‘qituvchining malakasi, tajribasi, shaxsiy fazilatlari, bilim darajasi asosiy omillardan ekanini tasdiqladi. O‘quvchilarni badiiy adabiyotning go‘zal olamiga olib kirish, ularni so‘z san’ati sirlarini payqay oladigan asl kitobxon qilib yetishtirishda o‘qituvchining mahorati juda muhim ahamiyatga egadir. Izlanuvchan o‘qituvchi hech qachon o‘quvchilarning bilim saviyalari zaifligidan shikoyat  qilmaydi. U bir necha mashg‘ulot davomida o‘z o‘quvchilariga badiiy adabiyotning inson ruhiga ta’sir etish kuchidan foydalangan holda ma’lumot beradi va shu tariqa ularning bilimlarini oshirib boradi.