БЎЛАЖАК ЎҚИТУВЧИЛАРНИ ТАРБИЯВИЙ ФАОЛИЯТГА ТАЙЁРЛАШ

Олий таълимни сифат жиҳатидан такомиллаштириш унга қўйилган талабларни ҳисобга олган ҳолда танқидий таҳлил қилиш ҳамда янгилаш билан бир қаторда, олий таълим ташкилотларида таълим-тарбия жараёнидаги педагогик жараёнларни ташкил этишни мазмун жиҳатдан бойитишни талаб қилмоқда. Чунки, бугунги кун олий таълим ташкилотлари талабаси замонавий мактабларда яратилаётган шароит ва имкониятларидан фойдалана оладиган, ўзига ва ўз фаолиятига нисбатан талабчан, умумтаълим мактабларида тарбиявий фаолиятни йўлга қўя оладиган, ўз ишининг устаси бўлган, ўз соҳасининг сирларини ҳар томонлама чуқур ўзлаштирган, ўзини ўзи ривожлантирувчи ҳамда ўз билими ва иқтидорини тўлақонли равишда жараёнга жорий эта оладиган мутахассисга бўлган талабни қўймоқда.