XALQARO MEHNAT MIGRATSIYASI: UNING RIVOJLANISH TENDENSIYALARI (YEVROPA ITTIFOQI MISOLIDA.)

     Yevropa Ittifoqi mamlakatlarida aholi migratsiyasining o'sishi demografik muammolarni hal qilishga yordam beradi va mehnat resurslarini shakllantirishga ta'sir qiladi. Boshqa tomondan, nazoratsiz migratsiya globallashuv ta’siri ostida ijtimoiy xavflarning kuchayishiga, Yevropa Ittifoqida birdamlik tamoyilining yemirilishiga va integratsiya jarayonining o'zgarishiga olib keladi. Bugungi kunda, keskin kontekstda Yaqin Sharq, Shimoliy Afrika hamda Sharqiy Yevropa davlatlaridan kelgan muhojirlar bilan bog'liq muammolar ortib borayotgani tufayli, Yevropa davlatlari ham migratsiya oqimlarini tartibga solishning amaldagi normalari tizimi  samarasizligini anglab yetdi. Migratsion oqimlar tarkibidagi o‘zgarishlar, musulmon muhojirlar sonining o‘sishi, ularning integratsiyalashuvi va assimilyatsiyasidagi qiyinchiliklar Yevropa Ittifoqi mamlakatlari uchun asosiy muammolardan biriga aylanmoqda.