ZULFIYA QUROLBOY QIZI HIKOYALARIDA AYOL OBRAZI

Ayol har doim sir bilan o’ralgandek go’yo. Uning xatti-harakatlari  chalkashlik va sarosimaga soladi insonni. Ayol psixologiyasiga kirib borish va uni tushunish olamning mushkul siralaridan birini yechish bilan barobardir. Buni ijodkorlarning o’z asarlarida ayol obraziga alohida o’rin ajratib kelayotganliklaridan ham ko’rishimiz mumkin. Ayol obrazini yaratishda ijodkor bevosita ‘’sentementalizm’’ ya’ni hissiyotlar ustunligiga murojaat etadi. Chunki, ayol hissiyotlarga to’laligi va ularni beixtiyor namoyon qilishi bilan ajralib turadi. Mana shunday ayol obrazini yaratib uning xarakteri, ruhiyati va hissiyotlarini qog’ozga tushirib kelayotgan ijodkorlarimizdan biri Zulfiya Qurolboy qizidir.