OMMAVIY MOLIYALASHTIRISHNING UMUMIY TUSHUNCHASI VA UNI HUQUQIY TARTIBGA SOLISHNING AHAMIYATI

Ma’lumki, innovatsiyalarni moliyalashtirishning asosiy manbalari budjet va budjetdan tashqari jamg’armalardir. Budjet mablag’lari hisobidan moliyalashtirish davlatning innovatsion siyosatiga, uning maqsadlari va ehtiyojlariga muvofiq amalga oshiriladi. Budjetdan tashqari mablag’lar innovatsion faoliyat subyektlari tomonidan mustaqil ravishda jalb qilinadi. Dunyoning ko’pgina mamlakatlarida moliyalashtirish ham davlat, ham xususiy investorlar tomonidan parallel ravishda amalga oshiriladi. Hozirda moliyalashtirishning kraudfanding (ommaviy moliyalashtirish) shakli keng ommalashib borayotgan usullardan biri hisoblanadi.