ಸ್ತ್ರೀವಾದಿ ಸಾಹಿತ್ಯ ವಿಮರ್ಶೆ - ಒಂದು ವಿವೇಚನೆ

ಕನ್ನಡ ಭಾಷೆ ಅಗಾಧ ಶ್ರೀಮಂತಿಕೆಯನ್ನು ಹೊಂದಿದ್ದು ಪೂರ್ವ ಹಳಗನ್ನಡ, ಹಳಗನ್ನಡ, ನಡುಗನ್ನಡ ಮತ್ತು ಹೊಸಗನ್ನಡ ಎಂಬ ಹಲವು ಬಗೆಗಳಾಗಿ ರೂಪುಗೊಂಡು, ಹಲವು ಅವಸ್ಥೆಗಳ ತದನಂತರ ತಂತ್ರಜ್ಞಾನವನ್ನು ತನ್ನ ಜೊತೆ ಮೇಳೈಸಿಕೊಂಡು ಸಾಹಿತ್ಯ ಕೃಷಿ ನಡೆಯುತ್ತಾ ಓದುಗರನ್ನು ಅತೀ ಸುಲಭವಾಗಿ ಮುಟ್ಟುವ ಹಂತಕ್ಕೆ ಬಂದಿದೆ. ಅದರಲ್ಲೂ ‘ಸ್ತ್ರೀವಾದಿ ಸಾಹಿತ್ಯ ವಿಮರ್ಶೆ’ ಎಂಬುದು ಕನ್ನಡ ಲೇಖಕಿಯರ ಪಾಲಿಗೆ ಒಂದು ಸವಾಲಾಗಿದ್ದು, ಅವರು ತಮ್ಮ ಕೃತಿಗಳಲ್ಲಿ ಹೆಣ್ಣನ್ನು, ಅವಳ ಸ್ಥಿತಿಗತಿಯನ್ನು ವಿವರಿಸಿರುವ ಹಂತಗಳನ್ನು ನನ್ನ ಈ ಪ್ರಬಂಧದಲ್ಲಿ ವಿವರಿಸಬಯಸುತ್ತೇನೆ. ಸ್ತ್ರೀವಾದಿ ವಿಮರ್ಶೆ ಇದುವರೆವಿಗೂ ಮಹಿಳೆಯನ್ನು ತಿರುಚಿ ನೋಡಿರುವ ವಿಚಾರ, ಅದರ ಕಾರಣ, ಅಲ್ಲದೇ ಆಕೆಗೆ ಸಿಗಬೇಕಾದ ಸರಿಯಾದ ಸ್ಥಾನಮಾನದ ಬಗ್ಗೆ ಪ್ರಶ್ನೆ ಮಾಡುತ್ತಾ ನೈಜ ಸ್ಥಿತಿಯನ್ನು ಅರ್ಥ ಮಾಡಿಸುವ ಪ್ರಯತ್ನ ಈ ಸಂಶೋಧನಾ ಪ್ರಬಂಧದಲ್ಲಿದೆ.