ORXAN PAMUK ASARLARINING VIZUAL VA KINEMATOGRAFIK TALQINLARI: KINO RASSOMI NAZARIDAN

Ushbu maqolada Orxan Pamuk asarlarining vizual va kinematografik talqinlari kino rassomi nuqtai nazaridan tahlil qilinadi. Muallif Pamuk ijodidagi shahar muhiti, makon, rang, yorug‘lik, rekvizit va vaqt tushunchasining badiiy hamda ramziy ahamiyatini ochib beradi. “Qor”, “Istanbul: Xotiralar va shahar” hamda “Begunohlik muzeyi” asarlaridagi vizual tafsilotlarning ekranlashtirish jarayonidagi imkoniyatlari ko‘rib chiqiladi. Maqolada ichki monolog, metaforik ma’no va psixologik chuqurlikni sahna dizayni orqali ifodalash masalalari yoritilib, Pamuk ijodining kino san’ati bilan mushtarak jihatlari asoslab beriladi.