YOSHLARNI YOT G'OYALARDAN HIMOYALASHDA IJTIMOIY RUHIYATDAGI NORATSIONAL JIHATLAR

Mazkur maqolada globallashuv va axborotlashuv sharoitida yoshlarni yot g‘oyalardan himoyalash muammosi ijtimoiy-psixologik jihatdan tahlil etilgan. Unda ijtimoiy ruhiyat tushunchasi, uning tarkibidagi noratsional jihatlar — hissiy ta’sirchanlik, stereotiplar, irratsional e’tiqodlar, konformizm va avtoritetga ko‘r-ko‘rona ishonish omillarining yoshlar ongiga ta’sir mexanizmlari yoritib berilgan. Shuningdek, yot g‘oyalarning yoshlar ruhiyatiga singishida noratsional fikrlashning o‘rni ilmiy manbalar asosida ochib berilgan. Maqolada yoshlarni mafkuraviy tahdidlardan himoyalashda tanqidiy tafakkurni rivojlantirish, g‘oyaviy immunitetni shakllantirish, milliy va umuminsoniy qadriyatlarga asoslangan ta’lim-tarbiya hamda sog‘lom ijtimoiy muhitni yaratishning ahamiyati asoslab berilgan. Tadqiqot natijalari yoshlar bilan ishlovchi mutaxassislar, pedagoglar va psixologlar uchun amaliy ahamiyat kasb etadi.