KIBERXAVFSIZLIKKA OID XALQARO STANDARTLARGA ASOSLANGAN ILG'OR XORIJIY TAJRIBALAR

Ushbu maqolada kiberxavfsizlikning global iqtisodiyot hamda milliy infratuzilmalar barqarorligini
ta’minlashdagi o‘rni, shuningdek, xalqaro standartlarga asoslangan ilg‘or xorijiy tajribalar tahlil qilinadi. Tadqiqot jarayonida
AQSh, Yevropa Ittifoqi, Yaponiya va Singapur tajribalariga alohida e’tibor qaratilib, ularning milliy strategiyalarida NIST,
ENISA va boshqa xalqaro me’yoriy hujjatlardan samarali foydalanish mexanizmlari ochib berilgan.
Shuningdek, xalqaro hamkorlikning ma’lumot almashish, qo‘shma ilmiy tadqiqotlar olib borish hamda xavfsizlik
standartlarini takomillashtirishdagi ahamiyati asoslab berilgan. Tadqiqot natijalari shuni ko‘rsatadiki, xalqaro standartlarga
asoslangan yondashuvlar moliyaviy tizimlar barqarorligini mustahkamlash, davlat va xususiy sektor o‘rtasidagi hamkorlikni
rivojlantirish hamda raqamli iqtisodiyotda ishonch muhitini yanada kuchaytirishda muhim omil hisoblanadi