XURSHID DO'STMUHAMMAD ASARLARIDA ESTETIK VA ADABIY DUNYOQARASH

Ushbu maqolada zamonaviy o‘zbek adabiyotining yetuk namoyandalaridan biri Xurshid Do‘stmuhammadning adabiy estetik qarashlari tadqiq etilgan. Yozuvchining "Shabada" va "Qichqiriq" hikoyalari matnlari tahlili asosida uning badiiy dunyoqarashi, falsafiy konsepsiyalari va estetik mezonlari aniqlangan. Tadqiqotda yozuvchining insoniy munosabatlar, milliy qadriyatlar, tabiiy va g‘ayritabiiy unsurlarni badiiylashtirishdagi o‘ziga xos uslubi ko‘rib chiqilgan. Tahlil natijasida Xurshid Do‘stmuhammadning psixologik realizm va milliy simvolizm elementlarini sintez qiluvchi adabiy yo‘nalishi aniqlanib, uning zamonaviy o‘zbek nasrida tutgan o‘rni belgilangan.