"DEEPFAKE" ТЕХНОЛОГИЯЛАРИ ВОСИТАСИДА СОДИР ЭТИЛАЁТГАН КИБЕРЖИНОЯТЛАР: ЎЗБЕКИСТОН ШАРОИТИДАГИ ТАҲДИДЛАР, ҲУҚУҚИЙ МУАММОЛАР ВА ОЛДИНИ ОЛИШ ЧОРАЛАРИ

Мазкур мақолада deepfake технологиялари воситасида содир этилаётган кибержиноятларнинг Ўзбекистон шароитидаги кўриниши, уларнинг ҳуқуқий баҳоланиши ва олдини олиш чоралари содда тилда таҳлил қилинган. Deepfake — сунъий интеллект ёрдамида яратиладиган сохта видео, аудио ва тасвир контент бўлиб, у одамларни алдаш, фирибгарлик қилиш ва обрў тўкиш мақсадларида кенг қўлланилмоқда.

Тадқиқот натижалари шуни кўрсатадики, Ўзбекистонда deepfake орқали амалга ошириладиган жиноятлар — молиявий фирибгарлик, шахсни қалбакилаштириш, шантаж ва сохта янгиликлар тарқатиш — йилдан-йилга кўпайиб бормоқда. Мақолада мавжуд ҳуқуқий базанинг етишмовчиликлари кўрсатилган ва амалий тавсиялар берилган.