MUDDATIDAN OLDIN TUG'ILGAN CHAQALOQLARDA BOSH MIYA QORINCHALARI ICHI QON QUYILISHINING KLINIK KECHISHI, DARAJALARI VA NEVROLOGIK OQIBATLARI

Muddatidan oldin tug’ilgan chaqaloqlarda markaziy asab tizimining perinatal davrdagi zararlanishlari neonatal tibbiyot va bolalar nevrologiyasining eng dolzarb muammolaridan biri hisoblanadi. So ‘nggi yillarda perinatal yordam, reanimatsiya va intensiv terapiya sohasidagi yutuqlar tufayli juda erta tug‘ilgan chaqaloqlarning yashab qolish ko’rsatkichlari sezilarli darajada oshdi. Biroq bu holat bilan bir qatorda, ushbu chaqaloqlarda uzoq muddatli nevrologik asoratlar chastotasi yuqori bo‘lib qolmoqda. Ayniqsa, bosh miya qorinchalari ichi qon quyilishi muddatidan oldin tug’ilgan chaqaloqlarda eng ko’p uchraydigan va klinik jihatdan og’ir kechuvchi gemorragik shikastlanishlardan biri hisoblanadi.