O'ZBEK VA INGLIZ TILLARIDA METAFORA VA IDIOMATIK IFODALAR: TARJIMA VA LINGVISTIK TAHLIL

Mazkur maqolada o‘zbek va ingliz tillaridagi metafora hamda idiomatik ifodalarning lingvistik va tarjimaviy xususiyatlari qiyosiy jihatdan tahlil qilinadi. Tadqiqotning asosiy maqsadi ushbu birliklarning semantik, pragmatik va madaniy jihatlarini aniqlash hamda tarjima jarayonida yuzaga keladigan ekvivalentlik muammolarini yoritishdan iborat. Tadqiqotda qiyosiy-tahliliy, semantik va kontekstual metodlardan foydalanildi. Natijalar shuni ko‘rsatadiki, metafora va idiomalar muayyan madaniyatning konseptual dunyoqarashini aks ettiradi va ularni tarjima qilishda so‘zma-so‘zlikdan ko‘ra funksional-ekvivalent hamda madaniy adaptatsiya strategiyalari samaraliroq hisoblanadi.