QALBNING IKKI GAVHARI: MUHAMMAD YUSUF IJODIDA VATAN VA MUHABBAT

Ushbu maqola Muhammad Yusuf ijodida Vatan va muhabbat mavzularining o‘zaro bog‘liqligini chuqur tahlil qilishga bag‘ishlangan. Tadqiqot jarayonida she’rlardan Vatan va muhabbatga oid misollar tanlab olinib, ularning badiiy vositalar orqali ifodalanish xususiyati o‘rganildi. Natijalar shuni ko‘rsatdiki, Vatan va muhabbat obrazlari she’riyatda inson qalbi va ma’naviy qadriyatlarni uyg‘unlashtiruvchi asosiy elementlar hisoblanadi. Tadqiqot xulosasiga ko‘ra, Muhammad Yusuf ijodida qalbning ikki “gavhari” - Vatan va muhabbat - o‘quvchida milliy, ijtimoiy va insoniy qadriyatlarni chuqur anglashga yordam beradi hamda hissiy-estetik tarbiya berish imkoniyatini oshiradi.