YORUG'LIK VA SOYANING TASVIRIY SAN'ATDAGI AHAMIYATI.

Mazkur ilmiy ishda yorug‘lik va soya tushunchalarining tasviriy san’atdagi estetik, texnik va didaktik ahamiyati yoritiladi. San’at asarlarida yorug‘lik va soya yordamida shakllar, hajmlar, fazoviylik, harakat va hissiyotlar ifodalanadi. Ayniqsa, realizm, impresionizm va barokko kabi san’at yo‘nalishlarida yorug‘lik va soyaning roli ajralmas hisoblanadi. Ushbu omillar rassomlikda kompozitsion yechimlar topishda, vizual idrokni kuchaytirishda va hissiy ta’sirni oshirishda asosiy vositalardan biri sifatida xizmat qiladi. Ishda klassik va zamonaviy asarlarda yorug‘lik va soyadan foydalanish uslublari tahlil qilinadi, san’atshunoslik, psixologiya hamda pedagogika nuqtai nazaridan asoslangan ilmiy xulosalar keltiriladi. Shuningdek, tasviriy san’at ta’limida ushbu elementlarni o‘rgatish jarayonidagi metodik yondashuvlar ham ko‘rib chiqilgan. Tadqiqot natijalari tasviriy san’atni o‘rganayotgan talabalar uchun foydali bo‘lib, ularning kuzatuvchanligini va ijodiy tafakkurini rivojlantirishga xizmat qiladi.