БОЛАЛАРДА ҲАРАКАТ БУЗИЛИШЛАРИ ВА УЛАРНИНГ ДИФФEРЕНЦИАЛ ДИАГНОСТИК МEЗОНЛАРИ

Болаларда учрайдиган ҳаракат бузилишлари марказий ва периферик асаб тизими, мушаклар ва базал ядроларнинг шикастланиши натижасида юзага келади. Болаларда учрайдиган ҳаракат бузилишлари турлича клиник кўринишларга эга бўлганлиги сабабли, тўғри ташхис қўйиш учун аниқ ва тизимли дифференциал диагностика ўтказиш зарур. Ушбу мақолада ҳаракат бузилишларининг асосий турлари, церабрал фалаж, мушак дистрофиялари, экстрапирамидал бузилишлар, атаксия ва психоген ҳаракат бузилишларининг асосий фарқловчи клиник белгилари, уларнинг статистик тарқалиши ва диагностика мезонлари таҳлил қилинган.