FE'L SO'Z TURKUMIGA XOS AYRIM MORFEM BIRLIKLARNING SEMANTIK-USLUBIY TALQINI

O‘zbek adabiy tilining boyliklaridan biri bu — fe’l so‘z turkumidir. Tilshunoslar fe’lni harakat va holat ifodalovchi asosiy vosita deb ta’riflashadi. Ammo fe’lning mohiyatiga chuqurroq nazar solinsa, u nafaqat grammatik birlik, balki stilistik, semantik va hatto badiiy ifoda vositasi sifatida ham o‘rganilishi lozim bo‘lgan murakkab sistemadir. Aynan fe’llarning morfem tarkibi (ya’ni ularning yasovchi, grammatik va leksik birliklari) orqali nutqda ohang, muomala shakli va hatto shaxsiy munosabatni ham sezish mumkin.