ИККИНЧИ ЖАҲОН УРУШИ ЙИЛЛАРИДА ЎЗБЕКИСТОН: МЕҲР-МУРУВВАТ ВА ФРОНТГА ЁРДАМ (АРХИВ ҲУЖЖАТЛАРИ АСОСИДА)

Инсоният тарихидаги энг машъум фожеалардан бири бўлган иккинчи жаҳон уруши ўзбек халқи ва унинг меҳр-мурувватини яна бир бор синовдан ўтказган эди. Ҳозирги кунда дунё халқларининг урушдан кўрган моддий ва маънавий зиёни анча батафсил ўрганилган. Шунга қарамай, Ўзбекистон ҳудудида сақланаётган ҳамда хориждаги кўплаб янги манбалар уруш тафсилотлари ва оқибатларини янада кенгроқ очиб беришга хизмат қилиши тайин – чунки минг-минглаб архив ҳужжатлари ҳанузгача ўз тадқиқотчиларини кутиб турибди.