DATA JURNALISTIKA O'ZBEKISTON INTERNET OAVNING ISTIQBOLI SIFATIDA

2021-yil hisobiga ko‘ra, O‘zbekistonda faoliyat olib borayotgan ommaviy axborot vositalarining (OAV) soni 1893 taga teng. Bu haqda “Yuksalish”  umummilliy harakatining “Factbook” qo‘llanmasida keltirilgan.  Shundan  638 tasi internet nashr va web-saytdir. Qolaversa, har bir gazeta, TV va radio internetda o‘z kontentini joylashtirishga harakat qilishmoqda. Bu esa raqamni yanada kattalashishiga olib keladi. Demak, yildan yilga internet nashrlar soni ortib bormoqda. Bu esa kuchli raqobat muhitini shakllantiradi va auditoriyaga ham axborotni tanlab, saralab olish imkoniyatini beradi. Shunday kuchli raqobat davrida data loyihalar auditoriyaga eng ishonchli mahsulot berishga qodir.