TOGʻ YONBAGʻIRLARI VA QIYALIKLARIDA KOʻCHKI XAVFINI BAHOLASH

Ushbu maqolada togʻli hududlar hamda togʻ yonbagʻirlari abtomobil yoʻllaridagi togʻ koʻchkilari va qiyaliklarning surilish xavfi bilan bogʻliq boʻlgan texnik asoslovchi tushunchalar va togʻ koʻchkilariga kompleks yondashuvdagi maʻlumotlar aks etgan. Togʻli hudud sharoiti va avtomobil yoʻllarining oʻzaro bogʻliqligi orqali roʻy berish ehtimoli yuqori boʻlgan togʻ qiyaliklaridagi koʻchki xavfini tahlil qilish va baholash uchun zaruriy boʻlgan dastlabki maʻlumotlarni yigʻish, koʻchki paydo boʻluvchi ehtimoliy nuqtalari, koʻchkini keltirib chiqaruvchi faktorlar va elementlarning muhim jihatlari oʻrganilgan. Togʻli hududlardan oʻtuvchi avtomobil yoʻllarida yuz beradigan koʻchkilar juda katta yoʻqotishlarga olib keladi va avtomobil yoʻlidagi harakat xavfsizligiga ham katta taʻsir oʻtkazadi. Ushbu maqoladagi izlanishlar xalqaro ahamiyatdagi A-373 “Toshkent-Oʻsh” avtomobil yoʻli misolida yoritilgan.