नागपूरच्या प्रशासनात तिसऱ्या रघुजीचे योगदान ( इ.स. 1818 ते इ.स.1853)

      नागपूर जिल्ह्याच्या निश्चित इतिहासाला 16 व्या शतकात गोंड राजघराण्यापासून सुरवात झाली.या घराण्यातील तिसरा राजा बख्तबुलंद याने राजापूर बारसा नावाच्या बारा वाड्या पेठांनी जोडून व त्यांच्या भोवती तट बांधून इ.स.वी सन 1702 मध्ये नागपूर शहर वसविले. बख्तबुलंद चा मुलगा चांद सुल्तान याने इ.स.वी सन 1706 साली नागपूर शहर आपल्या राज्याची राजधानी केली.इ.स.वी सन 1743 मध्ये नागपूर येथे मराठ्यांच्या कारकिर्दीची सुरुवात रघुजी भोसले यांनी केली. भोसल्यांनी नागपूर हे आपल्या राज्यकारभाराचे केंद्र केले. 1 आपल्या राज्यव्यवस्थेचे स्वरूप भोसल्यांनी पेशव्यांप्रमानेच ठेवले होते. भोसल्यांनी स्वतःचे सैन्य,मंत्रिमंडळ आणि दरबार स्थापन केले होते