БУХГАЛТЕРИЯ АХБОРОТИНИНГ СИФАТ ТАВСИФИ ЗАРУРАТИ

Ҳозирги кучли рақобат ҳукм сурган шароитда хўжалик юритувчи субъектлар барқарор фаолият юритиш имкониятини, уларнинг ташқи муҳитда ўрнатган иқтисодий алоқаларининг мустаҳкамлигига узвий боғлиқ. Бу эса ўз ўрнида мазкур субъектлар ўз фойдаланувчиларига тақдим этаётган молиявий ҳисоботларда акс эттирилган бухгалтерия ахборотини қанчалик даражада хўжалик фаолиятини шаффоф ва тўлиқ очиб бера олиши билан ўлчанади. Шу сабабли бухгалтерия ахбороти ва унинг сифатига эътибор тобора ортиб бормоқда. Бироқ бунга қарамай, бухгалтерия ахборотининг сифати билан боғлиқ ҳам назарий ҳам амалий муаммолар ҳали талайгина. Мазкур мақолада хўжалик юритувчи субъектларнинг бухгалтерия ҳисобини юритишда ва ҳисоботини тузишда аҳамияти катта бўлган бухгалтерия ахбороти ҳамда унинг сифат тавсифлари ҳақида сўз боради. Асосий эътибор айнан ушбу тавсифларда ҳозирда мавжуд масалалар ва уларни ечимига қаратилган бўлиб, илмий изланишлар натижасида хулоса ва таклифлар берилган.