|
Бугунги кунда нафақат тиббий, балки ижтимоий аҳамиятга эга бўлган янги SARS-CoV-2 короновирус коронавируси келтириб чиқарадиган инфекция энг долзарб глобал муоммолардан биридир. Жаҳон соғлиқни сақлаш ташкилоти (ЖССТ) 2020 йил 11- мартда янги коронавирус инфекцияси пандемияси деб эълон қилди. Жаҳон ҳамжамиятини ташвишга солаётган энг муҳим масалалардан бири бу инфекцияни насл саломатлигига қўшадиган потенциал ҳиссадир. Шу муносабат билан, COVID-19нинг реподукция, хомиладорлик, хомила ривожланиши ва янги туғилган чақалоқнинг ҳолатига таъсирини ўрганишга бағишланадиган илмий тадқиқотлар устувор ҳисобланади. Хомиладор она организмида одатий равишда аъзолар ва уларнинг тизимлари қўшимча юкламалар билан фаолият юритиб, организмнинг қаршилик кучлари пасайишига олиб келади. Хомиладорлик даврида она организмига респиратор бузилишларга олиб келувчи вируслар таъсири натижасида, уларнинг ҳомиладорликнинг қайси даврида кечиши ва қандай даволаш чора-тадбирлари қўлланилиши билан боғлиқлиги тўғрисида илмий адабиётларда маълумотлар жуда кам, мавжудлари хам маълум бир тартибга солинмаган. Юқоридаги маълумотларга асосланган холда, “СOVID-19” инфекциясининг хомиладор она организмига юқиши ва унинг натижасида ривожланган бола аъзо ва тизимларининг нормометрик хусусиятлари тўлиқ ўрганилмаганлиги аниқланди.
|