Tergovga qadar tekshiruv faoliyati ayrim jihatlarining nazariy tahlili

O‘zbekiston Respublikasi Jinoyat kodeksining 9-moddasida “Shaxs qonunda belgilangan tartibda aybi isbotlangan ijtimoiy xavfli qilmishlari uchun javobgar bo‘ladi”, deb qat'iy ko‘rsatilgan. Mazkur normaning amalda to‘liq ta’minlanishi esa huquqni muhofaza qiluvchi va sud organlari tomonidan adolatli, xolisona ish yuritish va qaror chiqarish bilangina amalga oshiriladi. Bunday faoliyatni obyektiv amalga oshirish uchun esa bir necha bosqichda ish yuritilib, shaxs aybi qonunda belgilangan tartibda isbotlanishi lozim. Shunday bosqichlarning eng dastlabkisi tergovga qadar tekshiruvdir.