ДАВЛАТ ВА ЖАМИЯТ БОШҚАРУВИДА ХОТИН-ҚИЗЛАР ҲАМДА ГЕНДЕР ТЕНГЛИК МАСАЛАЛАРИ

Бугунги кунда жадал ривожланаётган Ўзбекистонда хотин-қизларнинг давлат бошқаруви ва сиёсий ҳаётдаги фаоллашуви жамият тараққиётининг муҳим омилларидан бирига айланган. Зеро, давлат раҳбари томонидан, “ЎЗбекистонда сўнгги 7-йилда давлат бошқаруви соҳасида аёллар улуши 27 фоиздан 35 фоизгача ошди,  гендер тенглик бўйича Ўзбекистон дунёнинг энг тез ривожланаётган бешта мамлакати қаторига кирди”, – дея эътироф этилиши ҳам бежиз эмас [1].