ҚОСИМ ШАЙХ АЗИЗОН ВА ЖЎЙБОР ХОЖАЛАРИНИНГ ҚАРИНДОШЛИК РИШТАЛАРИ

Яссавия тариқатининг XVI асрдаги йирик вакил­ларидан бири бўлган, Шайбоний Абдуллахон II нинг (1533-1598) пири Ҳазрат Қосим Шайх Азизон (тахм. 1500-1578) бўлиб, у киши давлат тинчлиги ва бар­қарорлигини таъминлаш, ички зиддиятларга барҳам бериш мақ­садида Абдуллахон II нинг давлат тепасига келишини қўллаб-қувватлади. Бунинг натижаси у қудратли давлат тузиб, Яссавия шайхлари жамиятда ўз сиёсий мавқеларини мус­таҳкамлаб олишга замин яратди. Ўз даврининг буюк намоёндаларидан бири сифатида тарихда ўчмас из қолдирди. Жумладан, бу пири комил яссавия тариқатини ривож­лантириш, тариқатлар ўртасидаги муносабатларни яхшилаш, давлатни ободонлаштириш каби улкан ишларни амалга оширишга катта ҳисса қўшган.