АМИР ТЕМУР – МОҲИР ДИПЛОМАТ, ЮКСАК МАДАНИЯТ СОҲИБИ

Амир Темур XIV асрнинг иккинчи ярми XV аср бошларидаги таниқли давлат арбоби, истеъдодли қўмондони ва ақлли сиёсатчиси бўлган. Хитой, Ҳиндистон, Мўғулистон, Олтин Ўрда, Ироқ, Византия ва бошқа мамлакатлар ҳукмдорлари Темурга ўз элчиларини юборишди. Соҳибқироннинг Франция, Англия, Испания, Византия, Миср, Хитой, Ҳиндистон, Усмонли империяси ҳукмдорлари билан дипломатик алоқалари ва ёзишмалари тарихдан яхши маълум. Амир Темур ва Темурийлар сулоласи даврида дипломатия юқори даражага кўтарилди.