ҚИШЛОҚ ХЎЖАЛИГИ МАҲСУЛОТЛАРИНИ ҚАЙТА ИШЛАШДА АМАРАНТ ЎСИМЛИГИДАН ОЗИҚ-ОВҚАТ БЎЁҚЛАРИНИ ОЛИШ ТЕХНОЛОГИЯСИ ВА УНИНГ ВА АҲАМИЯТИ

Замонамизда инсонларнинг табиий озиқ-овқат таркибий қисмларини етарли даражада истеъмол қилмаслиги, мавжуд шарт-шароитларда етиштирилаётган қишлоқ хўжалиги маҳсулотлариннинг тўлақонли қайта ишланмаётганлиги долзарб муаммодир.[1] Озиқ-овқат саноатида фойдали ва хавфсиз маҳсулотларга талаб ортгани сари, хом-ашё базасининг табиийлиги ва махаллийлигига эътибор қаратиш лозим бўлади.[2,3] Шунингдек, табиатнинг йил сайин ўзгариб  бораётганлиги, тупроқдаги унумдорлик ва сувнинг танқис бўлиб бораётганлиги ҳар қандай қишлоқ хўжалиги маҳсулотларини етиштиришда турли муаммоларни келтириб чиқараётганлиги сир эмас. Олимлар турли ташқи таъсирларга чидамли, айни дамда уни қайта ишлаганда инсон организми учун фойдали, бой компонентларини сақлаб қоладиган ўсимликларни ўрганиш, уларни қайта кашф қилиш ва ишлаб чиқаришда янги тур маҳсулот билан озиқ-овқат саноатида янги маҳсулот турини яратиш билан жадал шуғулланмоқдалар. Шундай ҳсимликлардан бири бу-амарант ўсимлигидир