IPAK QURTI GʻUMBAGI MOYINI ISHQORIY RAFINATSIYALASH

So’nggi yillarda ipak qurti g’umbagiga oziq-ovqat manbai sifatida katta eʼtibor qaratilmoqda. Ipak qurti g’umbaglarida oqsil va yog‘ning ko‘pligi ularning ozuqaviy qiymatini belgilaydi. Ayniqsa ipak qurti g’umbagi moyining salomatlik uchun ko’plab foydali ta’sirlari e’tirof etilgan. Bugungi kunda respublikamizda ipak qurti g’umbagining resurslari faqat o'g'it va ozuqa sifatida yoki sanoat chiqindilari sifatida ishlatiladi. Bu qimmatbaho sanoat chiqindisidan samarali foydalanish imkoniyatini tadqiq maqsadida ipak qurti g’umbagi moyini ishqoriy rafinatsiya usuli bilan tozalash jarayoni olib borildi va moy namunalarining tozalashdan oldingi va keyingi sifat ko’rsatkichlari tahlili natijalari keltirildi.