МАРГИНАЛ МАДАНИЯТ, УНИНГ ТАВСИФИ ВА ТАЛАБА-ЁШЛАР ХАТТИ-ҲАРАКАТИДА НАМОЁН БЎЛИШИ

 Ўзбекистон жамияти тараққиётининг ҳозирги босқичида ижтимоий нуқтаи назардан маргиналлик этномаданий умумийликка эга бўлган алоҳида шахслар, ижтимоий гуруҳларнинг янги қадриятларга асосланган муҳитга қўшилишини англатади. Маргинал маданият локал яъни субмаданиятлар мажмуи, уларнинг асосий тамойиллари ҳисобланади. Маргинал маданият халқнинг асосий етакчи маданиятига зид келадиган маданият бўлиб, унинг доирасида шахс икки маданият чегарасида ўз ҳаракатларини амалга оширади. У ҳар иккала маданиятнинг элементларини ўз фаолиятларида мужассамлаштиради. Бу маданиятлардан бири иккинчисига душманлик позициясида туради.