СAМAРҚAНД ВИЛОЯТИДA ҚAНДЛИ ДAБЕТ БИЛAН КAСAЛЛAНГAН БЕМОРЛAРДA ДИAБЕТИК РЕТИНОПAТИЯНИ ТAРҚAЛИШИ ДAРAЖAСИНИ БAҲОЛAШ

Диабетик ретинопатия – бу кўз тўр пардасининг ретинал томирларида, қандли диабетга чалинган беморларда узоқ вақт давомидаги гипергликемия фонида ривожланадиган ўзига хос ангиопатиядир.

Қандли диабет билан оғриган беморларда кўзнинг тўр пардасининг шикастланиши қандли диабетнинг энг оғир асоратларидан бири бўлиб, диабет билан оғриган беморларнинг 90 фоизида кузатилади. Кўз тўр пардасининг томирларининг таъсирланиши диабетик микроангиопатия шаклида намоён бўлади.

Кўпинча бу патология қандли диабетга чалинган беморларда гипергликемияни узоқ давом этиши билан ривожланади. Диабетик ретинопатия прогрессив кечиши: бошланғич босқичларда кўз тубида ягона микроанивризмалар, қон қуйилишлар кузатилса; кейинроқ – кўришнинг кескин пасайиши билан номоён бўлади. Кўришнинг бузилиши қандли диабет натижасида ногиронликга олиб келиши мумкин. Қандли диабет билан оғриган беморларда кўрлик ушбу касалликдан азият чекадиган одамларга қараганда 25 карра тез-тез учраб туради. Диабетик ретинопатия ташхиси учун офталмолог ва диабетолог билан биргаликда олиб борилади. Офталмоскопия, биомикроскопия, висометрия ва периметрия, ретинал томирларнинг ангиографияси, қон биокимёвий текширувларини ўз ичига олади. Ўз вақтида офталмологик текширув ретинопатия ривожланишини дастлабки босқичда аниқлаш имконини беради.