LEKSIK-SEMANTIK MAYDON MASALASI VA "VAQT" TUSHUNCHASINING SEMANTIK TAHLILI

Leksik–semantik maydon alohida til sistemasi sifatida murakkab lisoniy struktura
ko‘rinishiga egadir. Maydonning struktur o‘zagini barcha paradigmatik guruhlar yig‘indisi
hosil qiladi. Paradigmatik munosabatlar turli xarakterga ega bo‘lib, u yoki bu mazmuniy
belgilari bilan yaqin bo‘lgan leksik birliklarning har–xil sinflari ishtirokida namoyon etilishi
mumkin. Paradigmatik munosabatlar bir chiziqli emasligi jihatidan farqlanib turadi. Chunki
muayyan bir so‘z bir vaqtning o‘zida turli leksik–semantik paradigmaga xos bo‘lishi
mumkin. Bunda so‘zlar ma‘lum bir semantik xossalariga ko‘ra o‘zaro qarama–qarshi
qo‘yilishi mumkin.