L.BUDAGOV LUG'ATIDA "МАТЕРИАЛЫ К ИЗУЧЕНИЮ КИРГИЗСКОГО НАРЕЧИЯ" ASARINING AHAMIYATI

Mazkur maqola Lazar Zaharovich Budagovning "Сравнительный словарь турецко-татарских наречий" lug'at tarkibiga kiritilgan turkiy xalqlar leksemalarining izohlanishi uchun asos bo'lgan manbalardan N. Ilminskiyning "Материалы к изучению киргизского наречия" asari va uning leksemalar tahlilidagi ahamiyati xususidadir. Muallif har bir xalq leksikoniga mansub so'zlarni yoritishda ayni xalqqa mansub bo'lgan badiiy ijod namunalariga murojaat etgan holda ulardan parcha keltirish asnosida izohlar ketiradi. Qirg'iz lahjasiga oid materiallari jamlangan asari qirg'iz, qozon, shuningdek, chig'atoy, tatar kabi dialektlarga mansub leksemalarni ifodalashda muhim manba bo'lib xizmat qilgan. Lug'at-maqola tarkibida leksema ifodalayotgan ma'noni aks ettirishda N.Ilminskiy asaridan foydalangan holda leksemalar tahlili keltirilgan.