OLIY TA'LIM MUASSASALARIDA BO'LAJAK BOSHQARUV XODIMLARINI TAYYORLASH IMKONIYATLARI

So‘nggi yillarda mamlakatimizdagi oliy ta’lim muassasalarida boshqaruv tizimini tubdan takomillashtirish, ta’lim sifatini oshirish, raqobatbardosh mutaxassislarni shakllantirish, bu borada raqobat muhitini yaratish bo‘yicha amaliy ishlar yuqori saviyada amalga oshirila boshlandi. 2022-2026-yillarda Yangi O‘zbekistonni rivojlantirishning strategiyasi to‘g‘risidagi Qonunda “Oliy ta’lim bilan ta’lim darajasini 50 foizga ko‘tarish va ta’lim sifatini oshirish” muhim vazifa sifatida belgilangan. Bu kabi vazifalarni muvaffaqiyatli hal etish esa, mamlakatimizda oliy ta’lim tizimini boshqarish salohiyatini oshirishni taqozo etadi. Bundan tashqari, mamlakatimizda oliy ta’lim tizimini tubdan takomillashtirish, oliy ta’lim muassasalarida boshqaruv tizimini modernizatsiya qilish, xalqaro talablar darajasida yuqori malakali mutaxassislar tayyorlash uchun zarur shart-sharoitlarni yaratish maqsadida keng ko‘lamli ishlar amalga oshirilmoqda