МИКРООРГАНИЗМЛАРНИ ПОЛИЭТИЛЕННИ ПАРЧАЛАШДА ОПТИМАЛ ЎСИШ ҲАРОРАТИ ТАЪСИРИНИ ҚИЁСИЙ ЎРГАНИШ

Pseudomonas авлодига мансуб бактерия штаммларининг LPEM2 минерал озиқа муҳитида полиэтиленни биопарчалагнишига турли хил ҳароратларнинг таъсири ўрганилди. Бактериал парчалаш жараёни 35 oC ҳароратда олиб бориш натижасида, УБ-спектрофотометрни 190 ва 340 нм тўлқин узунлигида контролга нисбатан 19,72 марта кўп ПЕ ни парчаланиши Pseudomonas putida штаммида қайд этилди. P. stutzeri, P. fluorescens, P. aeruginosa штаммлари мос равишда контролга нисбатан 10,89; 13,46 ва 12,04 марта кўп културал суюқликка органик бирикмалар ҳосил қилганлиги ўрганилди. Ҳарорат 40^oC да олиб борилганда ҳам бошқа штаммларга таққослаганда ПЭ парчаланиши контролга нисбатан 24,21 марта кўпроқ P.putida штаммида кузатилди. Қолган Pseudomonas штаммлари - P. stutzeri, P. fluorescens, P. aeruginosa бактерия штаммлари мос равишда контролга нисбатан 14,04; 16,36 ва 13,01марта кўп органик моддалар ҳосил қилиши билан ПЭ ни деградация қилиши аниқланди. Бактериялар таъсирида 45 oC ҳароратда ПЭ ни парчаланиши, P. stutzeri штаммида контролга нисбатан 17,51 марта кўп органик моддалар ҳосил қилганлиги аниқланди. P.putida штаммида 22,25;  P. fluorescens штаммида 16,6 ва P. аeruginosa  штаммида эса контролга нисбатан 13,47 марта кўп органик модда ҳосил қилганлиги кузатилди. Тадқиқотлар натижасига асосланиб Pseudomonas putida штамми 40⁰С ҳароратда бошқа штаммларга нисбатан ПЭни биопарчалаш жараёнида кўпроқ органик моддалар ҳосил қилиши аниқланди.