YARALI KOLIT KASALLIGINI OLDINI OLISH VA DAVOLASHDA SUT ACHITUVCHI BAKTERIYALARNI QO'LLASH IMKONIYATLARI

Maqolada mahalliy laktobakteriya shtammlarining yallig’lanishga qarshi faolligi va ularni yarali kolit modelida samaradorligini sichqonlar to`g`ri ichagini gistologik o’rganish boʼyicha tadqiqot natijalari keltirilgan. Tanlangan shtammlar klinik izolatlarga nisbatan yuqori mikroblarga qarshi faol zona namoyon etdi. Sut   achituvchi bakteriyalar orasida Weissella cibaria WC-1, Weissella cibaria WC-2, Weissella viridescens WV hamda Lactobacillus plantarum C-2 shtammlarini Bacillus subtilis bakteriyasiga nisbatan bakteriotsinogen moddasi mavjudligi aniqlandi. Qayd etilgan koʼrsatkichlardan ushbu probiotik shtammlarni Bacillus subtilis, Proteus mirabilis, Escherichia coli bakteriyalari chaqiradigan yallig’lanish jarayonlarida va ular bilan bogʼliq vaziyatlarning oldini olish, davolash uchun preparat tayyorlashga tavsiya etish mumkin.