O'ZBEK TILI ERGONIMLARI ONOMASTIK MIKROTIZIM SIFATIDA

O‘zbek tili onomastikasining tarkibiy qismi bo‘lgan ergonimlar yaxlit bir mikrotizim sifatida ma’lum hudud onomastikoniga mansub bo‘lgan ergonimlar tiplari, ko‘rinishlari majmuini tashkil qiladi. Ergonimlar quyidagi ichki mikroko‘lam birliklariga bo‘linadi: bino va turarjoy nomlari (oykomodonimlar); tijorat do‘konlari, savdo komplekslari nomlari (emporonimlar); firma nomlari (firmonimlar); ovqatlanish shahobchalari, restoranlar nomi (trofonim, restoronimlar); tashkilotlarga tegishli tovar belgilari nomlari (pragmatonimlar); ommaviy axborot vositalari (gazeta, jurnal, radio va teleko‘rsatuvlar) nomlari (gemeronimlar); turli tadbirlar, bayram, festival, tanlovlar, aksiyalar nomlari (geortonimlar); transport vositalari nomlari (poreyonimlar).