XITOY VA O'ZBEKISTON O'RTASIDAGI HUQUQIY KELISHUVLAR HAMDA O'ZARO HAMKORLIK MUNOSABATLARI

Ikki  davlat o’rtasidagi hamkorlik aloqalari yildan-yilga kengayib bormoqda. 2004 yilning 14 iyun kuni Xitoy Xalq Respublikasi Raisi Xu Szintao davlat tashrifi bilan O’zbekistonga keldi. O’zbekiston tashqi siyosatida Xitoy bilan munosabatlar alohida o’rin tutadi. BMT Xavfsizlik kengashining doimiy a’zosi, iqtisodi jadal rivojlanayotgan bu davlat bilan hamkorlik qilish iqtisodiy rivojlanishda, milliy va mintaqaviy xavfsizlikni mustahkamlashda, globallashuv jarayoni chuqurlashayotgan va turli siyosiy o’zgarishlar davri bo’lgan hozirgi sharoitda xalqaro siyosat maydonidan munosib o’rin egallashda katta ahamiyat kasb etadi. Xalqaro muammolarni yechishda tobora faol qatnashayotgan, dunyoda e’tirof etilgan “ Xitoy modeli” tufayli yalpi ichki mahsulot bir necha yildan buyon 7-8 foiz miqdorida barqaror o’sib kelayotgan bu davlat dunyoning yetakchi mamlakatlari qatoridan joy olgan. Mazkur maqola esa Xitoy va O‘zbekistonning huquqiy kelishuvlari hamda  o‘zaro hamkorlik munosabatlariga bag‘ishlanadi.