UMUMXALQ SO'ZLASHUV USLUBI VA ADABIY TIL MUNOSABATI (Turkman tili materiali misolida)

Maqolada nutqqa xos uslubiy bo’yoqdorlik tabiati, grammatik vositalar tafovuti, tovush o’zgaruvi paradigmasi hamda gapda so’z tartibi erkinligi turkman tili materiali misolida tahlilga tortiladi. Unda normadan og’ish holati, milliy til mental xususiyatlari, hududga xos belgilar namoyishi, sintaktik birliklar amaliy ishlanganlik darajasi xususida mushohada yuritiladi. Aslida umumxalq so’zlashuv uslubi va adabiy til bir-biriga muqobil tushunchalar, ikkala istiloh ham harakatdagi ijtimoiy hodisa sifatida nutqqa mansub umummajburiy qonuniyatlarni tavsiflaydi.